Рудный Алтай

“Рудный Алтай” — облыстық газет. Қазақстан КП Шығыс Қазақстан облыстық және Өскемен қалалық комитеттері мен еңбекшілер депутаттары облыстық кеңесінің органы болды. 1918 жылғы 10 сәуірден шыға бастаған. 1920 жылдың қаңтарына дейін “Голос Алтая”, 1 қаңтардан “Известия Усть-Каменогорского уездного революционного комитета”, ал тамыз айынан “Советская власть” деген атпен шығып тұрған. 1921 жылдың соңғы кездерінде қағаз тапшылығынан жабылып, 1923 ж. “Смычка”, 1924 ж. “Крестьянский труд”, 1930 — 39 жылдың “Прииртышский коммунар”, 1939 жылдың 27 желтоқсанынан “Большевик Алтая”, 1953 ж. “Знамя коммунизма”, 1963 жылдың 1 мамырынан “Рудный Алтай” деген атпен шықты. 1968 ж. Еңбек Қызыл Ту орденімен марапатталған.