Руслана Сергеевна Коршунова
Руслана Сергеевна Коршунова (2 шілде 1987, Алматы — 28 маусым 2008, Манхэттен, Нью-Йорк) — орыс текті қазақстандық модель[1]. Ол Вера Вонг және Nina Ricci брендтерінің келбеті ретінде кеңінен танымал болды. Белгісіз жағдайда қайтыс болды[2]. Оның өлімі бүкіл әлемде талқылау мен назардың тақырыбы болды[3].
| Руслана Сергеевна Коршунова | |
 | |
| Туған күні | |
|---|---|
| Туған жері | |
| Қайтыс болған күні | |
| Қайтыс болған жері | |
| Азаматтығы | |
| Модельдік ақпарат | |
| Бойы |
174 |
| Кеудесі |
85 |
| Белі |
58 |
| Бөксесі |
86,5 |
| Шашы |
ақшыл сары |
| Көзі |
ашық-көгілдір |
Өмірбаяны өңдеу
1987 жылы 2 шілдеде Чукоткада дүниеге келген, кейін отбасымен Алматыға көшіп келген. Әкесі Сергей Коршунов 1992 жылы қайтыс болды. Анасы Валентина (тұрмысқа шықпай тұрғандағы тегі Кутенкова) мен ағасы Руслан Қазақстанда тұрады. Алғашында анасымен бірге Алматының іргесіндегі әскери қалашықта тұрып, кейін қалаға қоныс аударған.
Мансабы өңдеу
2003 жылы оның All Asia журналындағы фотосуреті MODELS 1 ірі модельдік агенттігінің өкілі Дебби Джонстың назарын аударды, ол кейін оны тауып, келісім-шартқа қол қойды. Коршунова ұзын шашы үшін «Орыс Рапунцелі» деген лақап атқа ие болды. 2005 жылы ол Нью-Йорк сән апталығының басты жаңалықтарының бірі деп аталды. 2008 жылға қарай Коршунова DKNY, BCBG, Blugirl by Blumarine, Clarins, Ghost, Girbaud, Kenzo Accessories, Marithé & François, Max Studio, Moschino, Old England, Pantene Always Smooth, Paul Smith, Vera Wang lingerie және Nina Ricci 'Nina' fragrance жарнамалық науқандарына қатысты, сонымен қатар ELLE журналының француз басылымы, ресейлік және поляк Vogue журналының мұқабаларында пайда болды. «Парфюмерші» фильмінің басты кейіпкерінің рөліне кастингке қатысты.
Дүниеден өтуі өңдеу
2008 жылы 28 маусымда, 21 жасқа толуына 4 күн қалғанда Коршунова Манхэттендегі (Уотер-стрит, 130) тоғызыншы қабаттағы пәтерінің терезесінен құлап қайтыс болды. Полиция мұны өзін-өзі өлтіру деп санады, бірақ өлім алдында жазылған ешқандай хат табылмады. Сонымен қатар, оның барлық жақындарының, достарының және таныстарының мәлімдемесіне сәйкес, оның өз-өзіне қол жұмсауға нақты себебі жоқ және бұл кісі өлтіру болуы мүмкін. Олар оның жақында Париждегі сән көрсетілімінен оралғанын және «әлемнің шыңында» екенін айтты. Британдық телепродюсер Питер Померанцев Коршунованың өз-өзіне қол жұмсауы модель үш ай бойы қатысқан «Әлем раушаны» ұйымының жеке өсу жаттығуларымен байланысты деп санайды[4].
Мамандар оның тырнақ астынан бөгде терінің іздерін таппады. Коршунованың анасы Валентина Кутенкова қызының өзіне қол жұмсағанына сенбеді.
| “ | Руслана бір жыл бұрын жұмыстағы қиындықтары туралы айтып берді. Ол модельдік бизнесті тастағысы келетінін айтқан. Алайда, соңғы кездері оның жағдайы жақсы болатын. Егер оның жұмысында қиындықтар болса, онда маған міндетті түрде айтар еді[5]. | ” |
Коршунованың үйінде жұмыс істейтін консьерж Мұхаммед Накиб былай деді:
| “ | Мен оны тротуарда көргенде шошып кеттім. Ол жолдың бойында, кішкентай және дәрменсіз, қанға толы, қалың топтың қоршауында жатты. Оның қолдары мен мойыны сынған. Келесі күні ғана мен не болып жатқанын түсіндім. Оның шашы! Олар мен оны сол түні соңғы рет көргенімнен әлдеқайда қысқа болды. Ұштары тегіс емес болғандықтан, асығыс кесілген сияқты. | ” |
Мәскеу мәйітханасында модельдің макияжын жасаумен айналысқан мердігер Сергей былай деді:
| “ | Олар маған тек сыпайы алғыс айтты. Ешкім мені тергеуге шақырмады. Қатты соққыдан шаш түсуі мүмкін, бірақ қысқармас еді. Мәйітті жерлеуге дайындап жатқанда, шаштардың өте нашар күйде екенін байқадым. Мен тіпті оған жасанды шашты тауып беруді ұсындым, бірақ оның туыстары бас тартты. Ұштары біркелкі емес, біреу оларды қайшымен ретсіз кесіп алғандай болды. | ” |
Коршунова 2008 жылы 7 шілдеде Мәскеудегі Хованское зиратында жерленді[6][7].
2008 жылдың күзінде «Новая газета» журналисі Елена Костюченко Коршунованың өліміне қатысты тергеу жүргізіп, ол үшін «Әлем раушаны» сектасына енуге тырысты. Оқу орталығында төрт сабаққа қатысқаннан кейін Костюченко қатты депрессияға ұшырап, психиатриялық клиникаға жатқызылды, ал бұл тергеу туралы материал тек 2019 жылы жарияланды[8].
2009 жылы «Әлем раушаны» сектасының тренингтеріне бірге қатысқан Коршунованың құрбысы, модель Анастасия Дроздова өз-өзіне қол жұмсады. Ресей Федерациясының Тергеу комитеті Мәскеудегі Бүкілресейлік көрме орталығында орналасқан «Әлем раушаны» оқу орталығында тексеру жүргізді, бірақ оларға қарсы ешқандай айғақ таппады. Алайда бұл тексеруден кейін орталық 2011 жылдың тамыз айында жабылды.
Дереккөздер өңдеу
- ↑ Profile of fashion model Ruslana Korshunova. Fashion Model Directory (10 ақпан 2005).(қолжетпейтін сілтеме) Тексерілді, 11 желтоқсан 2007.
- ↑ Suicide Model Said to Be Confused About Life, Lonely. foxnews.com (30 маусым 2008).(қолжетпейтін сілтеме) Тексерілді, 10 қаңтар 2011.
- ↑ Model Ruslana Korshunova's 'suicide' conspiracy theories. telegraph.co.uk (1 шілде 2008).(қолжетпейтін сілтеме) Тексерілді, 10 қаңтар 2011.
- ↑ Pomerantsev, Peter. The Lost Girl, Newsweek (1 мамыр 2011). Тексерілді 21 мамырдың 2011.
- ↑ Russian model Ruslana Korshunova died because of 500,000-dollar lawsuit. Pravda.ru (20 қаңтар 2009).(қолжетпейтін сілтеме) Тексерілді, 9 шілде 2008.
- ↑ Руслану Коршунову похоронят в Москве (орыс.). kp.ru.(қолжетпейтін сілтеме) Тексерілді, 23 мамыр 2011.
- ↑ Sheremetova, Elena. Ruslana Korshunova buried at Khovanskoye Cemetery in Moscow (Russian), Moscow: Komsomolskaya Pravda (7 шілде 2008). Тексерілді 21 шілденің 2008. «Как мы уже рассказывали, поначалу предполагалось, что модель похоронят на Митинском кладбище – этот вопрос обсуждался еще в Америке во время прощания с Русланой. Однако уже в Москве все "перерешили" – место для могилы «Русской русалки» выбрали на Хованском кладбище.».
- ↑ Сноб.ру «Журналистка „Новой газеты“ рассказала о том, как под видом тренингов личностного роста скрываются секты» 19.05.2019.(қолжетпейтін сілтеме)