Рэйчел МакАдамс

Рэйчел Энн Макадамс (ағылш. Rachel Anne McAdams; 17 қараша 1978, Лондон, Онтарио, Канада) — канадалық киноактриса. 2002 жылы «Идеальный пирог» фильмінде түсіп, Genie Award сыйлығына ие болады. 2004 жылы «Дрянные девчонки» фильмінде Реджина Джордждың рөлін ойнайды. Сол жылы Николай Спаркстың «Дневник памяти» романынан түсірілген фильмде рөлге ие болады. Бұл фильмде Райан Гослингпен бірге түседі. 2005 жылы «Незваные гости» комедиясында түседі. 2009 жылы Гай Ричидің «Шерлок Холмс» фильмінде Ирэн Адлердің рөлімен танымал болады. 2010 жылы Рэйчел Макадамс «Доброе утро» комедиясында басты рөлді иеленеді.

Рэйчел Макадамс
Rachel McAdams
Жалпы мағлұмат
Туған кездегі есімі	Рэйчел Энн Макадамс
Туған күні	17 қараша 1978 (1978-11-17) (46 жас)
Туған жері	Лондон (Онтарио), Канада
Азаматтығы	Канада
Мамандығы	актриса
Белсенді жылдары	1989 — қазіргі уақытқа шейін
IMDb	ID 1046097
http://rachel-mcadams.com/

Балалық шағы

Рэйчел Макадамс Лондондағы Онтарио ауылында дүниеге келеді. Сент-Томас атты көрші қалада өседі. Оның әкесі, Ланс – жүк машина жүргізушісі, ал анасы, Сандра – медбике. Рейчелдың Дэниэль атты бауыры және Кейлин деген кіші сіңілі бар. Актриса 4 жасынан мәнерлеп сырғанаумен айналыса бастайды. Myrtle Street Public School мектебінде оқып, Central Elgin Collegiate Institute институтында білім алуды жалғастырады. Рэйчел Торонто қаласында Йорк университетін беске бітіреді.

Мансап

Рэйчел Роб Шнайдермен бірге «Цыпочка» фильмінде басты рөлді ойнайды. 2004 жылғы Дрянные девчонки» фильмінде Реджина Джордждың рөліне ие болады. Дайан Китон, Сара Джессика Паркер, Дермот Малруни, Люк Уилсон және Клэр Дэйнс сияқты актерлермен бір фильмде түседі. 2007 жылы Пирс Броснан және Патриша Кларксонмен бірге «Супружество» фильмінде басты рөлді ойнауға келіседі. 2010 жылғы АҚШ-да шыққан «Доброе утро» комедиясында түседі. 2011 жылы Вуди Алленнің «Полночь в Париже» фильмінде және 2012 жылы «Клятва» фильмінде басты рөлді иеленеді.

Жеке өмірі

2005 жылдың ортасынан 2007 жылдың ортасын дейін Райан Гослингпен кездеседі. 2008 жылы олар қайта кездесе бастайды, бірақ айлар өте келе олардың жұбы ажырайды. 2009 жылда Рэйчел Джош Лукаспен кездеседі. 2010 жылы жұлдыз Майкл Шинмен кездесетіні жайлы айтады. Алайда, олар 2013 жылы қарым-қатынастарына нүкте қояды.

Сыртқы сілтемелер

• Актрисаның жеке сайты Мұрағатталған 20 ақпанның 2015 жылы.
• Рэйчел МакАдамс