Рүстем Есімханұлы Қайдаров

Рүстем Есімханұлы Қайдаров (18.05.1940, Семей облысы Бесқарағай ауданы Сосновка ауылында туған - 27.12.2019, Алматы) — «Қорғау» жинақтаушы зейнетақы қоры» АҚ президенті, Профессор (1998). РЖҒА корреспондент мүшесі (2001), ХАА академигі (2002). Милиция генерал-майоры (1990), әділет генерал-майоры (1995).

Рүстем Есімханұлы Қайдаров
Туған күні	18 мамыр 1940 (1940-05-18)
Туған жері	Сосновка, Бесқарағай ауданы, Семей облысы, Қазақ КСР-і
Қайтыс болған күні	27 желтоқсан 2019 (2019-12-27) (79 жас)
Қайтыс болған жері	Алматы, Қазақстан
Азаматтығы	Қазақстан  КСРО (1940-1991)
Ұлты	қазақ
Қызметі	кәсіпкер, ғалым, тілші, мемлекеттік қайраткер

Өмірбаяны

• 1970 ж. С.М. Киров атындағы ҚазМУ-ді бітірген, заңгер.
• 1956-61 жж. - Семей ауыл шаруашылығын механизациялау училищесінде жүкші, электркесуші, тракторшы, мастер.
• 1961-64жж. - Кеңес Армиясының қатарында азаматтық борышын өтеген.
• 1964-66 жж. - ауылдық ПТУ мастері, директорының көмекшісі.
• 1966-76 жж. - Семей облысы атқару комитеті ІІБ оперативтік уәкілі, тергеушісі, аға тергеушісі, Семей қаласы милиция бастығының орынбасары, Киров АІІБ бастығы, облысы атқару комитетінің ІІБ тергеу бөлімі бастығының орынбасары.
• 1976-80 жж. - облысы партия комитетінің нұсқаушысы.
• 1980-82 жж. - Қазақстан Компартиясы ОК нұсқаушысы.
• 1982-85 жж. - Семей облысы атқару комитеті ІІБ бастығының орынбасары.
• 1985-90 жж. - Жезқазған облысы атқару комитеті ІІБ бастығы.
• 1990-92 жж. - КСРО ІІМ-нің Қазақстан және Қырзызстан бойынша ұйымдасқан қылмысқа және жемқорлыққа қарсы күрес жөніндегі аймақаралық басқармасының бастығы.
• 1992-95 жж. - ҚР ішкі істер министрінің орынбасары - бас тергеу басқармасының бастығы.
• 1995-96 жж. - ҚР МТК төрағасының 1-ші орынбасары.
• 1996-97 жж. - ҚР МТК Жоғары тергеу мектебінің кафедра бастығы.
• 1997-99 жж. - ҚазМЗУ кафедра меңгерушісі.
• 1999 жылдан - «Қорғау» жинақтаушы зейнетақы қоры» АҚ президенті.

Қоғамдық қызметі

• Республикалық қылмысқа және жемқорлыққа қарсы күресті қолдау қорының президенті (1995)
• «Генералдар кеңесі» ҚБ Төралқасының төрағасы (2000).

Марапаттары

• «Парасат» орденімен (2006)
• КСРО, ҚР және РФ-ның 19 мемлекеттік медалімен марапатталған.
• КСРО ІІМ еңбек сіңірген қызметкері.