Рәшит Тұрарұлы Ыбыраев

Рәшит Тұрарұлы Ыбыраев (1948 жылы туған, Т.Рысқұлов атындағы ауылы) – ғалым, тарих ғылымдарының кандидаты.

1992–1994 жылдары халық депутаттары Шымкент облыстық Кеңесі атқару комитетінің төрағасы. Ташкент политехникалық институтын (1970), КОКП ОК жанындағы қоғамдық ғылымдар академиясын (1989) бітірген.

1970–1972 жылдары Гидрогеология экспедициясында инженер-механик, Алматыдағы «Қызыл ту» фирмасында инженер-конструктор, комсомол комитетінің хатшысы,

1972–1976 жылдары Қазақстан Жастар одағы Орталық Комитеті жанындағы республикалық комсомол мектебі оқу ісінің меңгерушісі, нұсқаушысы, жауапты ұйымдастырушысы, Орталық Комитеті бөлім меңгерушісінің орынбасары,

1976–1978 жылдары Шымкент облысы комсомол комитетінің бірінші хатшысы болды.

1978–1980 жылдары Түркістан қалалық партия комитетінің бірінші хатшысы,

1980–1986 жылдары халық депутаттары Шымкент қалалық Кеңесі атқару комитетінің төрағасы,

1990–1991 жылдары Шымкент облысы комитетінің екінші хатшысы,

1991–1992 жылдары халық депутаттары Шымкент облысы Кеңесі атқару комитеті төрағасының орынбасары қызметтерін атқарды.

Дереккөздер

"Оңтүстік Қазақстан облысының энциклопедиясы"