Рәшкүл Жәлелқызы Оспанәлиева

Рәшкүл Жәлелқызы Оспанәлиева - 1961 жылы 20 қазанда Жамбыл облысы Шy ауданының Абай ауылында туған. Қазақ.

Әкесі - Оспанәлиев Жәлел Оспанәлиұлы, марқұм, зоотехник болған. Анасы - Оспанәлиева Тұрар Бекенқызы, зейнеткер.

Жамбыл жеңіл және тамақ өнеркәсібі технологиялық институты Алматы филиалының бидайды сақтау және қайта өңдеу технологиясы факультетін бітірген (1984), инженер-технолог. Қазақ және орыс тілдерін біледі. «Нұр Отан» ХДП мүшесі (2002 жылдан - «Асар» партиясы, 2005 жылдан - «Нұр Отан»). 1978 жылдан - Жамбыл облысы Шy ауданының Абай атындағы ОМ бастауыш сынып мұғалімі. 1979 жылдан - Жамбыл жеңіл және тамақ өнеркәсібі технологиялық институты Алматы филиалының студенті. 1984 жылдан - Шымкент диірмен комбинатының зертханашысы, инженері, аға инженері. 1992 жылдан - Шымкент қаласының №35 ОМ бастауыш сынып мұғалімі. 1995 жылдан - жеке кәсіпкер - «Айнұр» шаштараз салонын ұйымдастырушы. 1996 жылдан - «Қанат» ЖШС (бидай өңдейтін) директоры. 1998 жылдан - «Береке» ЖШС директоры. 2007 жылдан бері - «Корпорация «Береке А» ЖШС бас директоры.

Оңтүстік Қазақстан облыстық мәслихатының 4-ші шақырылым депутаты (2007-2011). Шымкент қалалық мәслихатының «Нұр Отан» ХДП ұсынылған депутаты (2006-2007).

Қазақстанның іскер әйелдер қауымдастығының мүшесі (2002 жылдан). «Атамекен» Шымкент қалалық кәсіпкерлер мен жұмыс берушілер одағының төрайымы (2006 жылдан).

Шымкент қаласындағы «Нұр Отан» ХДП Еңбекші аудандық филиалы Саяси кеңесінің мүшесі (2008 жылдан). ОҚО Балалардың құқықтарын қорғау департаменті жанындағы консультациялық-мәжілістік кеңес терағасының орынбасары (2008 жылдан). ОҚО Азаматтық альянсының вице-президенті (2008 жылдан).

«Құрмет» (2006), «Признание» (Халықаралық әлеуметтік бастамаларды көтермелеу қорының, Ресей, 2008) медальдарымен; «Отандық тауар өндірісі және құрылыс» номинациясында «Әйел басшылық ететін үздік кәсіпорын» республикалық сайысының жеңімпазы ретінде ҚР Президенті жанындағы Отбасы және әйелдер істері жөніндегі ұлттық комиссияның дипломымен (2005); «Тұрғын үй құрылысын дамыту жөніндегі мемлекеттік бағдарламаны мерзімінен бұрын орындағаны үшін» Оңтүстік Қазақстан облыстық сәулет, құрылыс және көркейту департаментінің дипломымен (2005); «Мәдени және гуманитарлық салалардағы қайырымдылықжәне демеушілік қызметі үшін» ҚР Президентінің Құрмет дипломымен (2006); орта кәсіпкерлік субъектілері арасындағы «Жылдың үздік әлеуметтік жобасы» номинациясында «Парыз-2009» бизнестің әлеуметтік жауапкершілігі бойынша өткізілген сайыстың күміс лауреаты ретінде ҚР Президентінің дипломымен; ҚР Президентінің алғыстарымен марапатталған (2005, 2007).

Жамбыл облысы Шу ауданының (2008), ОҚО Бәйдібек, Қазығұрт аудандарының (2008-2009) Құрметті азаматы.

Діни көзқарасы - ислам.

Турмыс құрған. Жубайы - Толыбаев Әлішер Наматиллаулы (1958 ж. т.), «Корпорация «Береке А» ЖШС бас директорының орынбасары. Қыздары - Толыбаева Роза Әлішерқызы (1984 ж. т.), Толыбаева Айнур Әлішерқызы (1994 ж. т.); ұлы - Толыбаев Нұрлан Әлішерұлы (1986 ж. т.).