Сайлау Батыршаұлы

Батыршаұлы Сайлау (5.1. 1942 ж.т., Жамбыл облысы Шу ауданы Төле би а.) – экономика ғылымдарының докторы (1994), Төтенше және толық өкілетті дәрежедегі дипломат (1964). ҚР дипломатиялық қызметінің еңбек сіңірген қызметкері (2003).

Сайлау Батыршаұлы
Өмірбаяны
Ғылыми дәрежесі	Экономика ғылымдарының докторы
Мамандығы	Шығыстанушы
Азаматтығы	Қазақстан
Дүниеге келуі	5 қаңтар 1942 (1942-01-05) (82 жас) Шу ауданы, Жамбыл облысы

Өмірбаяны

Ташкент мемлекеттің университетін (1964) және КСРО Сыртқы істер министрлігінің жоғары дипломатиялық мектебін (1969) бітірген. Қазақ достық қоғамының жауапты хатшысы (1964–1965), Қазақ КСР-і Сыртқы істер министрлігінің 1-хатшысы (1965–1967), КСРО-ның Алжирдегі елшілігінің 3-хатшысы (1969–1971), республикалық «Білім» қоғамының жауапты хатшысы (1972–1973), Алматы облысы партия комитетінің лекторы (1973–1978) және облысы партия комитетінің нұсқаушысы (1981–1983), КСРО-ның Конго Халық Республикасындағы елшілігінің 2-хатшысы (1978–81), Алматы театр-көркемсурет институтында доцент, кафедра меңгерушісі (1983–89), Қазақ мемлекеттік университетінде доцент (1989–1990), ҚР Сыртқы істер министрінің орынбасары (1990–1993), ҚР-ның Өзбекстан Республикасындағы Төтенше және өкілетті елшісі (1993–1994), ҚР Сыртқы істер министрлігінің айрықша тапсырмалар жөніндегі елшісі (1994), ҚР-ның Египет Араб Республикасындағы елшілігінің кеңесшісі (1994–1995), ҚР-ның Израильдағы елшілігінің кеңесшісі (1996–2002), ҚР Сыртқы істер мин-лігінің кеңесшісі (2002 жылдан) қызметтерін атқарады.

Шығармалары

«Основные направления и этапы индустриализации стран Северной Африки» деген тақырыпта докторлық диссертация қорғаған.«Африка елдерін индустрияландыру проблемалары» (1987), «Солтүстік Африка елдерінің экономикасын индустризациялау» (1994), «Дамушы елдердің өнеркәсібі» (1996) атты кітаптардың авторы.

Сілтеме

• http://www.enu.kz/kz/structure/sailay.php(қолжетпейтін сілтеме)
• http://baq.kz/kaz/news/cat/4/3674/?PHPSESSID=f7a5423736320c112e9060beb1958751