Сайлау кампаниясы

Сайлау кампаниясы - үкімет басқару органдарына және т.б. сайлау сияқты арнайы қоғамдық-саяси мәселелерді шешу үшін ұйымдастырылған, яғни сайлауды өткізу немесе сайлауды ұйымдастыру барысындағы науқан; партиялар, сайлау бірлестіктері немесе үміткерлермен және оның командасымен сайлау алдына қойған мақсатқа жету мақсатында жүзеге асыруға ұмтылған әрекеттер жиынтығы. Сайлау кампаниясы - саяси басқарудың ерекше түрі. Мұнда басқару субъектісі - үміткердің басшылығындағы команда, ал объекті - сайлаушылар. Басқару мақсаты үміткердің алдына қойған міндеттерімен анықталады. Тәжірибе көрсеткендей үміткерлердің барлығы бірдей жеңіске ұмтылмайды. Кейбіреулер сайлау кампаниясына қатысуды өзіне көңіл аударту құралы ретінде қарастырады. Жалпы сайлаудың ресми уақыты жарияланғаннан кейін сайлау кампаниясы басталады. Әр партия өздерінің үміткерлерін немесе үміткерлер тізімін ұсынады, олар заңға сәйкес тіркеуден өтуі керек. Сайлау кампаниясын жүзеге асыру үшін арнайы штаб құрылады, оған кәсіби мамандар кіреді: қаржылық агент, саяси ұйымдастырушы, техника- лық хатшы, арнайы көмекші. Бұлардан басқа қоғамдық пікірді зерттеуші кеңесші, бас кеңесші, БАҚ бойынша кеңесіп, пошта арқылы мәлімет жинайтын кеңесші жалданады.[1]

Дереккөздер өңдеу

  1. Саяси түсіндірме сөздік. – Алматы, 2007. ISBN 9965-32-491-3