Сайрам туралы рисала

“Сайрам туралы рисала” — тарихи шығарма.

Орта ғасырда жарық көрген, 1000 жылға жуық ұрпақтан-ұрпаққа өтіп, бірнеше рет басылып, көшіріліп келе жатқан көне кітап. “Сайрам туралы рисала” кітабында атақты діни қайраткерлердің, әулие-әнбиелердің, қолбасшылардың өмірбаяны, жерленген мазарлары жөнінде мағлұматтар берілген. Сайрам қаласының салынуы, қасиетті жерлердің тарихы, т.б. деректер кездеседі. Қожа Ахмет Иасауи, Ибраһим Ата, Қарашаш ана, Ләтіп ата, Мұстафа-Құл Ата туралы мәліметтер бар. “Сайрам туралы рисала” кітабының 3 нұсқасы Өзбекстан ғылым академиясының Шығыстану институтында сақтаулы.