Саламат Өтемісов

Саламат Өтемісов (12.6. 1939 ж.т., Орда ауданы, Қаракөл ауылы) — суретші, Қазақстан Суретшілер одағының (1979) және Журналистер Одағының (1975) мүшесі. 1963 ж. Орал педагогика институтының тарих факультетін бітірген. 1963-68 ж. Чапаев ауылында орыс мектебінде мұғалім. Алматы қаласындағы суретшілер училещесін бітірген соң (1971), Шымкент мәдениет институтында, 1975 ж. Алматы политехникалық институтының архитектура факультетінде қызмет істеді. 1980-86 ж.

Атырау қаласындағы Батыс Қазақстан аймақтық Суретшілер одағын басқарды. Алғашқы жеке көрмесі Будапештте ашылды (1982). Оның «Шаңырақ», «XX ғасыр», «Дала әуені», «Еділдің бойы ен тоғай», «Азарт», «Махамбет ақын және қолбасшы», «Нарынқұм» атты туындылары жоғары бағаланды. Өтемісовтің жұмыстары шет елдердің көркемсурет көрмелеріне қойылды.