Салидат Зекенқызы Қайырбекова
Салидат Зекенқызы Қайырбекова (1961 жыл 1 тамыз, Қарағанды облысы — 2016 жыл 3 шілде, Астана) — мемлекет және қоғам қайраткері, ҚР Денсаулық сақтау министрі.[1]
| Салидат Зекенқызы Қайырбекова | |||
| Лауазымы | |||
|---|---|---|---|
| |||
| 7 қазан 2010 — 6 тамыз 2014 | |||
| Президент | Нұрсұлтан Назарбаев | ||
| Премьер-Министр | Кәрім Мәсімов | ||
| Ізашары | Жақсылық Досқалиев | ||
| Ізбасары | Тамара Дүйсенова | ||
| Өмірбаяны | |||
| Партиясы | «Нұр Отан» | ||
| Білімі | Қарағанды мемлекеттік медицина университеті (1984) Е.А.Бөкетов атындағы Қарағанды мемлекеттік университеті (2004) | ||
| Ғылыми дәрежесі | медицина ғылымдарының докторы | ||
| Мамандығы | дәрігер заңгер | ||
| Дүниеге келуі | 1 тамыз 1961 Қарағанды облысы, Қазақ АКСР | ||
| Қайтыс болуы | 3 шілде 2016 (54 жас) Астана | ||
| Марапаттары |  | ||
өңдеу  |
|||
Өмірбаяны
өңдеуАрғын тайпасы Қуандық руының Тоқа бөлімінен шыққан.[2].
1984 жылы Қарағанды мемлекеттік медицина институтын «емдеу ісі» мамандығы бойынша бітірген.
2002 жылы Е.А.Бөкетов атындағы Қарағанды мемлекеттік университетін «құқықтану» мамандығы бойынша бітірген.
2001–2006 жылдары – Қазақ мемлекеттік медицина академиясының қоғамдық денсаулық және денсаулық сақтауды басқару кафедрасының ізденушісі.
1984–1998 жылдары Қарағанды облысының медицина ұйымдарында дәрігер-невропатолог, Қарағанды көп бағдарлы емдеу-диагностикалық бірлестігі бас дәрігерінің орынбасары болып жұмыс істеді.
1998–2001 жылдары – Қарағанды облыстық денсаулық сақтау басқармасының медициналық көмекті ұйымдастыру бөлімінің бастығы, Қарағанды облыстық еңбек, жұмыспен қамту және халықты әлеуметтік қорғау басқармасының № 5 медициналық-әлеуметтік сараптама комиссиясының төрайымы.
2001–2004 жылдары Қазақстан Республикасы Денсаулық сақтау министрлігінің бөлім бастығы, басқарма бастығы, Емдеу-профилактикалық жұмыс департаменті директорының орынбасары, Министрліктің Аппарат басшысы қызметін атқарды.
2004–2006 жылдары Қазақ мемлекеттік медицина академиясының проректоры болды.
2006–2008 жылдары – Қазақстан Республикасының Президенті Әкімшілігінің әлеуметтік-экономикалық талдау бөлімінің бас сарапшысы, бас инспекторы, әлеуметтік-экономикалық мониторинг бөлімінің сектор меңгерушісі.
2008 жылғы 4-желтоқсаннан бастап Қазақстан Республикасы Денсаулық сақтау министрлігі Медициналық қызмет көрсету саласындағы бақылау комитетінің төрайымы.
2009 жылғы 5-қазаннан бастап Қазақстан Республикасы Денсаулық сақтау министрлігі Медициналық қызметке ақы төлеу комитетінің төрайымы.
Қазақстан Республикасы Үкіметінің қаулысымен 2010 жылғы 23 сәуірінде Қазақстан Республикасының Денсаулық сақтау вице-министрі болып тағайындалды.
Мемлекеттік және қоғамдық қызметтегі еңбегі, елдің әлеуметтік – экономиялық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін 2009 жылында Қазақстан Республикасы мемлекеттік «Құрмет» орденімен марапатталды.
Қазақстан Республикасы Президентінің Жарлығымен 2010 жылғы 7 қазанда Қазақстан Республикасының Денсаулық сақтау министрі болып тағайындалды.
2014 жылдың тамызынан - 2015 жылғы 9 қазанға дейін - Қазақстан Республикасының Денсаулық сақтау және әлеуметтік даму бірінші вице-министрі.[3] 2015 жылғы 13 қазанда Салидат Қайырбекова «Ұлттық медицина холдингі» АҚ басқарма төрайымы қызметіне тағайындалды.[4] Медицина ғылымдарының докторы.
Дереккөздер
өңдеу- ↑ “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
- ↑ Бикенов Ж.Б. Жәкенов Ж.М. Исабек Т.К. Тоқа шежіресі — Қарағанды: Қарағанды полиграфиясы ААҚ, 2000. — 402 б. — 1000 таралым. — ISBN 5-7667-9037-6.
- ↑ Салидат Қайырбекова Денсаулық сақтау вице-министрі қызметінен кетті(қолжетпейтін сілтеме)
- ↑ Салидат Қайырбекова Ұлттық медицина холдингін басқарды(қолжетпейтін сілтеме)