Салым, Салым ақшадепозит-заңи және жеке тұлғалардың несие-қаржы мекемелерінде сақталатын және олардың уақытша билігінде болатын‚ бірақ иесіне қайтарылуға тиіс немесе оның нұсқауы бойынша басқа бір тұлғаға берілуге тиіс ақшалай қаражат. Олардың түрлері: талап етілмелі салым — банктерге (жинақ банкілеріне және басқа несие мекемелеріне) сақталу мерзімі көрсетілмей салынатын жинақ ақша; ұсынушыға арналған салым‚ мұнда ақша салушының аты-жөні көрсетілмейді; мерзімдік салым‚ оларды салымшы күні бұрын уағдаласылған мерзімнің (бір айдан бірнеше жылға дейін) аяғында белгіленген соманы жоғалтпастан ала алады‚ олардың жинақ салымнан гөрі өтімділігі аздау‚ бірақ пайызды көбірек әкеледі; ұтыс салымы‚ олар бойынша ақшалай ұтыс ойналады; салымшы кез келген уақытта қандайда болсын соманы жоғалтпастан ала алатын және олар бойынша ағымдағы шоттар ашылмайтын басқа салым жинақ ақша салымы деп аталады; ал чек жазу немесе электронды аударым арқылы алуға болатын салым – ағымдағы шотқа арналған салым деп аталады (бұл активтердің өтімділігі жоғары түрлері). [1]

Дереккөздер:Өңдеу

  1. Қазақ энциклопедиясы, 7 - том