Санидин

Санидин (грек. sanis – тақтай, жапырақ) – силикаттар класындағы дала шпаттары тобының (сілтілілерінің) минералы. Хим. Формуласы: (K, Na) [AlSi3O8]. Моноклиндік сингонияда кристалданады. Жеке кристалдары друза, призма, жапырақ, минералдық агрегаттары түйірлі масса түрінде болады. Түссіз, мөлдір, кейде түсті, жымдастығы жетілген, қатт. Моос шкаласы бойынша 6-6,5; тығызд. 2550 – 2580 кг/м3. С.керамика өндірісінде пайдаланылады.