Саньго

САНЬГО (үш патшалық) – Қытай тарихындағы кезең (220-265 немесе 220-280). Қытайдағы Хань империясы құлағаннан кейін онда үш патшалық (Вэй, У және Шу) құрылды. Солт. – Батыс және Орт. Қытай, Оңт. Қытайдың бір бөлігі мен казіргі Дунбэйдің оңт. бөлігі Вэй патшалығына, Оңт. және Оңт. – Шығ. Қытай У патшалығына, ал Оңт.-Бат. Қытай және ішінара Шэньси мен Хубэй пров-лары Шу патшалығына қарады. 263 ж. Шу патшалығы жойылып, Вэй патшалығына қосылды. 265 ж. Вэй патшалығында өкімет билігі қолбасшы Сыма Яньның қолына көшті. Ол 280 ж. У патшалығын да жаулап алды.