Сан-Томе және Принсипи Ұлттық футбол құрамасы

Сан-Томе және Принсипи Ұлттық футбол құрамасы — халықаралық футбол жарыстарында Сан-Томе және Принсипи аралдарының намысын қорғайтын құрама. Басқарушы орган — Сан Томе Және Принсипи Футбол Федерациясы.

Сан-Томе және Принсипи Ұлттық футбол құрамасы
Логотип
Конфедерация	Африка Футбол Конфедерациясы
Федерация	Сан-Томе және Принсипи Футбол Федерациясы
Бас бапкері	Густаво Клементе
Үй стадионы	Эштадиу Насьонал 12 де Жульо (Сан-Томе, 6500)
ФИФА рейтингі	187 (12. 04. 2018)
ФИФА коды	STP
Негізгі форма Сурет:Kit body greencuff.png Қонақтық форма
Чад 5 - 0 (Габон; 29 маусым 1976 жыл)
2 - 0 Экваторлық Гвинея (Либревиль, Габон; 14 қараша 1999 жыл) 2 - 0 Сьерра-Леоне (Сан-Томе, Сан-Томе және Принсипи; 8 сәуір 2000 жыл)
Конго Республикасы 11 - 0 (Габон; 20 тамыз 1993 жыл)

Тарихы

1986 жылы ФИФА-ға, 1987 жылы Африка Футбол Конфедерациясына мүше болды. Төрт рет әлем чемпионатының іріктеуіне, жеті рет Африка Ұлттар Кубогы іріктеуіне қатысты. Әзірше бұл екі турнирдің финалдық кезеңіне жолдама алған емес.

2003 жылы ӘЧ-2006 іріктеуіне қатысып, Ливиядан 0:8 есебімен ұтылып, жарыстан шығып қалды. Содан құрама 2011 жылдың қараша айына дейін бір матчқа да қатыспай, ФИФА құрамаларының рейтингіне де ілінбей қалды (рейтингіге соңғы 4 жыл ішінде тым болмағанда бір ойын өткізген құрама ғана ілігеді). 2006 жылы қаржының тапшылығынан құрама команда таратылды. 2008 жылы қайта құрылғанымен, үш жылға дейін ешқандай ойын өткізбеді.

2011 жылы араға сегіз жыл салып ресми матч өткізді. ӘЧ-2014 іріктеуінде Конго Республикасы құрамасынан екі ойын қорытысында ұтылып қалды (сыртта - 0:5, өз алаңында - 1:1)

Стадионы

Өз алаңындағы ойындарын Сан-Томе қаласындағы "Эстадио Насьонал 12 де Жульо" алаңында өткізеді. Сыйымдылығы 6, 500 адам. Стадион 1920 жылы салынған, 1930 жылдары ғана пайдалануға берілген. 2002 жылы реконструкция жасалды. Ұлттық құрамадан бөлек "Андоринья", "Спортинг Прая Крус" клубтары да өз алаңындағы ойындарын өткізеді.

Сілтемелер

• Құрама статистикасы