Сара Әділгерейқызы Күзембаева

Сара Әділгерейқызы Күзембаева (24 наурыз, 1937 жылы Алматы облысы, Қарасай ауданы, Іргеліде туған) — музыкатанушы ғалым. Өнертану ғылымдарының докторы, профессор. Қазақстан Республикасының Ұлттық ғылым академиясының корреспондент – мүшесі. Қазақстан Республикасының Еңбек сіңірген өнер қайраткері. Қазақстан Білім Беру ісінің Үздігі.

Сара Әділгерейқызы Күзембаева
Туған күні	24 наурыз 1937 (1937-03-24) (87 жас)
Туған жері	Алматы облысы, Қарасай ауданы, Іргелі
Азаматтығы	КСРО  Қазақ КСР  Қазақстан
Ғылыми дәрежесі	Өнертану ғылымдарының докторы, профессор
Альма-матер	Құрманғазы атындағы Қазақ ұлттық консерваториясы
Марапаттары	Қазақстанның еңбек сіңірген қайраткері

Толығырақ

Алматы мемлекеттік консерваториясының музыка теориясы мен тарихы факультетін (1961, қазіргі Қазақ ұлттық консерваториясы) бітірген соң консерваторияда оқытушы (1961–65), ғылыми жұмыстар жөніндегі проректоры (1984–87), Қазақстан ғылым академиясының Әдебиет және өнер институтында кіші (1966–74), аға, жетекші маман (1974–87, 2000–05), Арқалық педагогикалық институтында оқытушы (1993–99), бөлім меңгерушісі (2005–09) болды.

• 2009 жылдан бас ғылыми қызметкер болып жұмыс істейді.1961 жылы Құрманғазы атындағы Алматы Мемлекеттік консерваториясының тарихи-теориялық факультетін бітірген. 1961-1965 жылдары аталған оқу орнының теория кафедрасының оытушысы, 1966-1984 жылдары М.О. Әуезов атындағы әдебиет және өнер институтының кіші және аға ғылыми қызметкері ,1984-1993 жылдары әдебиет және өнер институтының бөлім меңгерушісі , музыка-теориясы кафедрасының профессоры. 2000 жылдан қазіргі уақытқа дейін М. О. Әуезов атындағы әдебиет және өнер институның музыкатану бөлімінің меңгерушісі.
• 2007 жылы «Национально-художественные традиции и их конвергентность в казахской опере» деген тақырыпта докторлық диссертация қорғады. Оның ғылыми-зерттеу еңбектері негізінен қазақ операсының тарихы мен теориялық мәселелеріне арналған. Күзембаева 100-ден астам ғылыми жарияланымның, оның ішінде 3 монографияның, т.б. кітаптардың авторы. Ш.Ш.Уәлиханов атынд. сыйл. лауреаты (2009).

Мемлекеттік марапаттары

• Қазақ КСР ғылым академиясының құрмет грамотасы;
• Қазақ КСР Жоғарғы Кеңесінің Құрмет грамотасы;
• ҚР Мәдениет министрлігінің және Білім министрлігінің Құрмет грамотасы;
• 1996 жылы профессор құрметті атағы;
• 1997 жылы «Қазақстан Білім беру ісінің Үздігі» атағы;
• 2004 жылы «Ерен Еңбегі үшін» мемлекеттік медалі;
• 2008 жылы Өнертану ғылымдарының докторы (құрметті ғылыми атағы);
• 2009 жылы Ш.Уалиханов атындағы мемлекеттік сыйлықтың лауреаты;
• 2010 жылы елбасының жарлығымен «Қазақстанның Еңбек сіңірген өнер қайраткері» құрметті атағы берілді;