Саршоқы (сарышоқы) оқиғасы

Саршоқы (сарышоқы) оқиғасы, 1931 жылы болған. Бұрынғы Семей губ. Қызылтас ауд-ндағы Алақ көтерілісі барысында зорлық-зомбылықпен үдере көшкен үлкен бір топ Нарын өз. бойындағы Саршоқы арқылы Қытайға өтуге әрекеттенеді. Екі таудың аралығындағы шатқалда түнеп жатқан босқындарды қызыл әскерлер пулемет оғының астына алып, судан өтпекші болғандарды да қырып салады. Маңындағы ел ол араны “көп сүйек” деп атап кеткен. Осы оқиға жазушы А.Жүнісовтың “Нарынның суы қызарды” повесінде әсерлі баяндалған.