Сарытікен

Сарытікен(Horanіnovіa) — алабұталар тұқымдасына жататын бір жылдық шөптесін өсімдік. Қазақстанда шөлді, шөлейтті жерлердегі құмдарда, тақырларда және құмдақ-саздақтарда өсетін 3 түрі: теріс Сарытікен (Н. anomala), кіші Сарытікен (Н. mіnor) және үлексетәрізді Сарытікен (Н. ulіcіna) бар. Солардың ішіндегі жиі кездесетіні — теріс Сарытікен Оның биікт. 10 — 30 см. Сабағы бұтақталып, тармақталып өседі, сыртын қысқа, қатты түк жапқан. Жапырақтары біз сияқты тікенек, сабаққа кезектесіп орналасады. Дара гүлдері жапырақ қолтығынан жетіледі, қос жынысты, тығыз шоқпарбас гүлшоғырына топталған. Шілде — тамыз айларында гүлдеп, жеміс салады. Жемісі тегіс (ені 1 мм-дей) болады.