Сасан Мыңбайұлы

Сасан Мыңбайұлы (1780, Шығыс Қазақстан облысы Тарбағатай ауданы Құлбабас а. — 1872 сонда) — би. Найман ішіндегі Байжігіт руының Тоғас тармағынан шыққан. Ш.Уәлиханов ол жөнінде “Байжігіт руының әйгілі белді адамы Сасан би” деп сипаттаған. Біржан сал мен Сара, Әсет пен Кәрібай айтыстарында Сасан Мыңбайұлы елден шыққан игі жақсылардың бірі ретінде жырланған. Тарбағатай өңірінде “Сасан қорығы”, “Сасан тақтайы” деген жерлер бар. 1991 ж. ұрпақтары Сасан Мыңбайұлы би қабіріне күмбезді мазар орнатып, ас берді. Құлбабас а-ндағы орта мектепке есімі берілген.[1]

Пайдаланылған cілтемелерӨңдеу

  1. Қазақ Энциклопедиясы, 7 том