Сасықкөл (көл, Ақмола облысы)
Сасықкөл – Есіл алабындағы көл.
| Сасықкөл | |
| Морфометрия | |
|---|---|
| Теңiз деңгейiнен биіктігі | 352 м |
| Өлшемі | 3,2 × 1,8 км |
| Ауданы | 3,8 км² |
| Жағалау сызығының ұзындығы | 8,4 км |
| Тереңдігі | 7,5 м |
| Су алабы | |
| Суды жинау ауданы | 60 км² |
| Орналасуы | |
| 51°21′44″ с. е. 71°18′59″ ш. б. / 51.362239° с. е. 71.316477° ш. б. (G) (O) (Я)Координаттар: 51°21′44″ с. е. 71°18′59″ ш. б. / 51.362239° с. е. 71.316477° ш. б. (G) (O) (Я) | |
| Ел |  Қазақстан |
| Аймақ | Ақмола облысы |
| Аудан | Шортанды ауданы |
Басқа мағыналар үшін Сасықкөл (айрық) деген бетті қараңыз.Географиялық орны
өңдеуАқмола облысы Шортанды ауданы Бозайғыр ауылынан оңтүстік-шығысқа қарай 11 км жерде орналасқан.
Гидрографикасы
өңдеуКөл теңіз деңгейінен 352 м биіктікте жатыр. Аумағы 3,8 км2, ұзындығы 3,2 км, енді жері 1,8 км, жағалау бойының ұзындығы 8,4 км. Шарасында жыл бойы су болады. Көктем айларында шарасының аумағы ұлғайып 4,7 км2-ге жетеді жəне жағалауы 1,2 км-ге ұзарады. Көлдің ең терең жері 7,5 м, суының көлемі 3,6 млн. м3, су жиналатын алабы 60 км2. Қазаншұңқырда орналасқан көл жағалауы жарлауытты. Қар жəне жер асты суларымен толысады. Қараша айының ортасында суы қатып, сəуір айының соңында ериді. Суында шортан, сазан, таутан, мөңке, т.б. балықтар бар. Алабының 30–40%-ы егістікке игерілген.[1]
Дереккөздер
өңдеу- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5