Саттар Сейітхазин

Саттар Сейітхазин (12.1.1927, Солтүстік Қазақстан облысы Көкшетау ауданы Қарағай ауылы - 5.3.1999) - ақын, аудармашы

Карағанды қаласындағы Окытушылар институтын (1947) Мәскеудегі Әдебиет инстиутын бітірген (1956).

1947 - 1951 жылдары Көкшетау облысындағы орта мектепте мұғалім.

1951 - 1956 жылдары Алматыға келіп, "Оқу құралдар баспасында" (казіргі "Мектеп баспасы) редактор, аға редактор, Қазақстан Мәдениет министрінде референт, "Қазақ әдебиеті" газетінде тілші қызметтерін атқарған,

1956 - 1977 жылдары Мәскеуден оралғаннан кейін Қазақстан жазушылар одағында кеңесші, Қарағанды телевидениесінде аға редактор, Қазақ телевидениесінде аға және бас редактор, "Жазушы" баспасының поэзия редакциясында аға редактор қызметтерін атқарған.

1977 жылы шығармалық жұмысқа бірыңғай ауысқан.

Сейітхазиннің "Тарих" атты алғашқы өлеңі 1947 жылы "Советтік Қарағанды" газетінде жарияланған. Сейітхазиннің көптеген өлеңдері орыс, алтай, қарақалпақ, поляк, т.б. тілдерге аударылған. А.Адаровтың, С.Даниловтың, Н.Дамдиновтың, т.б. орыс ақындарының өлең-жырларын қазақ тіліне аударған.

Шығармалары

• Жүрек сыйы. Өлеңдер. А., 1953;
• Алғашқы сапар Поэма. А., 1955;
• Беркуты. Поэма и стихи. М., 1958;
• Хадиша. Повесть. А., 1973;
• Тереңдегі теңіздер.Өлеңдер. А., 1974;
• Қоңыр жер. Өлеңдер мен поэмалар. А., 1983;
• Аққу тамақ.Өлеңдер мен поэма. А., 1984;
• Кең жазира. Өлеңдер, поэмалар. А., 1986;
• Окжетпес. Өлеңдер. А., 1999.