Сатушы бағасы

Сатушы бағасы - 1) сатушы өз тауарын сатуға келіскен баға. Сатушы бағасы тауар өндірісі мен айналысына жұмсалған шығынды, тауарды сатудан түскен пайданы, дайындаушының өндірістік мүмкіндіктерін, ұқсас ауыстыруға болатын тауарлардың бағасын басшылыкқа ала отырып қалыптастырылады. Сатушы бағасы — тауар ұсынысының бағасы, сондықтан ол нарықта тауар ұсынысына ықпал ететін барлық факторларға тәуелді. Сонымен бірге сатушы бағасы тауар өндірушінің бағасын көрсетеді, өйткені нақ осы өндіруші белгілі бір дәрежеде қалыптастырады, сатушы сатып алушыға тауарды осы баға бойынша ұсынады. Нарықта Сатушы бағасы бойынша сұраныстың ұсыныстан асып түсетін жағдайында сатып алу-сату мәмілесі жүзеге асырылады; 2) "нарықты жасаушы" (маркет-мейкер) бағалы қағазды сату үшін ұсынатын баға, сондай-ақ қаржы институты үлеспұлдық сенімгерлік инвестициялық қорда үлеспұлды сататын баға.