Сағындық Ордабеков
Сағындық Ордабеков(12.1.1950 жылы туған, Жамбыл облысы Сарысу ауданы Үшбас ауылы) – жоғары санатты хирург және денсаулық сақтау ісінің ұйымдастырушысы, медицина ғылымдарының докторы (1997), профессор (2001), Нью-Йорк Ғылым академиясының (1996) және Қазақстан Журналистер Одағының мүшесі.
| Сағындық Ордабеков | |
|---|---|
| Дүниеге келгені: |
12.1.1950 Жамбыл облысы Сарысу ауданы Үшбас ауылы |
| Мансабы: | дәрігер-хирург, медицина ғылымдарының докторы (1997), профессор (2001) |
| Жұбайы: | Ордабекова (Оралбаева) Жаңыл Ибатоллақызы, мамандығы экономист |
Шыққан тегі Ұлы жүздің Дулат тайпасы Шымыр руынан.[1] Басқа дерек бойынша Ысты руынан шыққан.[2]
Оқу жолы
өңдеуАлматы мемлекеттік медицина институтының емдеу факультетін (қазіргі Санжар Асфендияров атындағы Қазақ Ұлттық медицина университеті) 1975 жылы тәмамдаған.
Жұмыс жолы
өңдеуЖамбыл облысы ауруханасында дәрігер-хирург (1975–1987), Жамбыл қалалық медицина жедел-жәрдем ауруханасы бас дәрігерінің орынбасары (1987–1988) болды. 1989 жылдан 20 жылға жуық Жамбыл облысы Денсаулық сақтау департаментінің бас хирургі қызметін атқарды. 2009 жылдан бастап Жамбыл облыстық ауруханасының бас дәрігерінің орынбасары қызметін атқаруда. 1988 жылы Тараз қаласында эхинококкоз ауруын зерттейтін республикалық ғылыми орталық ашты. 1998 жылдан бастап Тараз мемлекеттік М.Х.Дулати атындағы университетінің биология кафедрасының және 2007 жылдан бастап Қазақ Ұлттық С.Асфендияров атындағы медициналық университеттің интернатура кафедрасының профессоры қызметін негізгі жұмысымен қатар алып жүр.
Ғылыми еңбектер
өңдеу- Оның ғылыми-зерттеу еңбектерінің негізгі бағыты – іш қуысы органдарында болатын экинококкоз ауруын хирургиялық емдеу мәселелері және өт жолдары мен бауыр хирургиясы.
- 300-ден астам ғылыми жарияланымның, оның ішінде 7 монографияның, 8 оқулықтың, 4 патенттің және 12 өнертабыстық ұсыныстың авторы. Қазақстан Журалистер одағының мүшесі С.Ордабековтің проблемалық мақалалары, суреттемелері мен эсселары облыстық, республикалық газет-журналдарда мезгіл-мезгіл жарияланып тұрады. Ол бірнеше әдеби кітаптардың авторы ("Көкіректегі күмбірлер", 2005; "Іште қалған сөз де жетім", 2007; "Беймаза дүние", 2009; "Әріптестер әлемі", 2010; " "Мың құбылған тіршілік", 2011). Ол "Қазақстан Республикасының Денсаулық сақтау ісінің үздігі", "Денсаулық сақтау ісіне қосқан үлесі үшін" төсбелгілермен, бірнеше мемлекеттік медалдармен және Құрмет грамоталарымен марапатталған. Оған "Сарысу ауданының Құрметті азаматы" атағы берілген.
Дереккөздер
өңдеу1.Тараз. Жамбыл облысы (энциклопедия), 2003; 2. "Денсаулық" - республикалық журнал, 2010. №1;. 3. "Медицина" - республиканский журнал. 2009. №12.
- ↑ Құрастырушы авторы Асангелді Отаров Бәйдібек баба - Алып бәйтерек ұрпақтарының шежіресі. Шымыр. — Алматы: Издательство Өнер, 2007. — 816 б. — ISBN 978-601-209-017-8.
- ↑ Баспа бас директоры:Әшірбек Көпіш Бәйдібек баба - Алып бәйтерек ұрпақтарының шежіресі. Ысты — Алматы: Издательство Өнер, 2003, 2005. — ISBN 9965-595-60-7.
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |