Светлана Анатольевна Малахова-Шишкина

Светлана Анатольевна Малахова-Шишкина - 1977 жылы 27 наурызда Шығыс Қазақстан облысы Серебрянск қаласында туған. Орыс. Әкесі - Шишкин Анатолий Михайлович, бас инженер. Анасы - Шишкина Валентина Игнатьевна, жұмысшы. С. Аманжолов атындағы Шығыс-Қазақстан мемлекеттік университетінің дене шынықтыру және спорт факультетін бітірген (2002), дене шынықтыру пәнініңоқытушысы, шаңғы спортының жаттықтырушысы. Орыс және ағылшын (сөздікпен) тілдерін біледі.

• 1995 жылдан бері - шаңғы жарысы бойынша штаттағы ҚР Ұлттық командасының мүшесі. V Қысқы Азия ойындарының екі мәрте алтын жүлдегері, күміс жүлдегері (2003); Бүкіләлемдік студенттердің универсиадасының алтын және қола жүлдегері (2003); Бүкіләлемдік студенттердің универсиадасында екі мәрте алтын жүлдегері (2005), Әлем кубогында жеке жарыс сатысының қола жүлдегері (2007), VII Азиада ойындарының чемпионы (Астана, Алматы, 2011) 4x5 км эстафетадағы шаңғы жарысында, 15 км-лік марафондағы шаңғы жарыстарының қола жүлдегері. Шаңғы жарыстарынан ҚР Еңбек сіңірген спорт шебері (2003).

Хоббиі - спорт, кітап оқу, ұлын тәрбиелеу.
Сүйіп оқитын әдебиеті - классикалық әдебиет.

Тұрмыс құрған. Жұбайы - Малахов Евгений Борисович, «ШҚО БЖСМ» шаңғы жарыстарының жаттықтырушысы.Ұлы - Малахов Артем Евгеньевич (1999 ж. т.).