Семен Петрович Бабаевский

Семен Петрович Бабаевский (1909 - өлген жылы белгісіз), орыс жазушысы. «Алтын жұлдызды жігіт» (1-2-кітабы, 1947-1948), оның жалғасы «Жер бетіндегі жарық» (1-2-кітабы, 1949-1950) романдары үшін 1949, 1950, 1951 жылдары КСРО Мемлекеттік сыйлықтарының лауреаты болды. Бабаевскийдің есімі мен оның «Алтын жулдызды жігіт», «Жер бетіндегі жарық»романдары Әуезовтің «Кейбір ұлт жазушыларының романдары туралы» мақаласында аталады. Жазушы сол кезде жарық көрген бірнеше шығармаларды атап, Бабаевскийдің екі романының социалистік деревняның Отан соғысынан кейінгі хал-жайларын суреттеуге арналғанын, шеберлік жағынан алғанда шұбалаңқылау екенін айтқан. Сонымен қатар бұл шығармалар еңбек процесін көрсету жөнінде, колхоз деревнясы жайында жазылған жақсы романдардың бірі Бабаевский романынан біз қажымайталмай, белгілі мақсатпен үдетілген еңбекті көреміз. Осы қарқынды еңбек романның бір кітабынан екінші кітабына үштасып, басты кейіпкерлердің қажырлы күресіне айналады. Бабаевский совет прозасында бірінші болып, бүкіл елімізде мал шаруашылығымен шұғылданатын, оған қолма-қол басшылық ететін адамдардың алдына үлкен проблемалы мәселе қойды деп, Әуезов жазушының суреткерлігіне әділ баға берген.