Сепир Эдуард

Сепир (Sapir) Эдуард (26.01.1884, Лауэнбург қаласы, Германия, - 04.02.1939, Нью-Хейвен Коннектикут) – американ тіл маманы, этнолог, үндістер тілін зерттеуші. Чикаго (1927-1931), Иель (1931 жылдан) университеттің профессоры. Колумбия университетін бітірген болатын (1904). Сепир тілдің жалпы теориялық мәселелерімен де шұғылданды, этнография және этнопсихология мәселелері жөнінде де зерттеулері бар. Басты еңбегі – «Тіл» 1921 жылы, ал орыс тілінде 1934 жылы шығарылды. Бұл еңбегінде ол тілдің құрылысын зерттеуге назар аударып, тілдерге жаңа типологиялық талдау жасады.