Сергей Алексеевич Батиньков

Сергей Алексеевич Батиньков (24.7.1920, Шығыс Қазақстан облысы Семей қаласы - 13.3.1985, Мәскеу қаласы) - екінші дүниежүзілік соғысқа қатысушы, әскери ұшқыш, полковник. Орыс. Кеңес әскері қатарына 1940 ж. шақырылып, әскери-авиациялық училищені бітірген (1942). Ұлы Отан соғысына 1942 жылдың маусымынан қатысып, 4-Украина майданына қарасты 8-әуе армиясы 8-штурмдык авиация корпусы 227-штурмдың авиация дивизия 208-штурмдық авиаполк құрамында Брянск, Воронеж, Оңтүстік-Батыс, 1- және 4-Украина майдандарында соғысты. 1942 жылдың тамыз айының басында 9 «Ил-2» ұшақ тобымен бірге Коротяк аумағында дұшпанның 3 мыңнан астам атты әскерлеріне шабуыл жасап, оларға көп шығын әкелді. Бірақ өзі жараланып, ұшағы зақымданды. Батиньков жанған машинасын өз жеріне қайсарлықпен қондыра білді. 1942-43 ж. ол өз тобымен Сталинград, Житомир, Бердичев, Львов, Станислав (қазіргі Ивано-Франковск қаласы), т.б қалаларды азат етуге катысты. Батиньков 157 рет әуеге көтеріліп, әуежай, теміржол, жау өткелдерін шабуылдаған. Ұрыстарда көрсеткен ерлігі мен қаһармандығы ушін КСРО Жоғары Кеңесі Төралқасының Жарлығымен Кеңес Одағының Батыры атағы берілді (29.6. 1945). Соғыстан кейін КСРО Қарулы Куштері Әскери-әуе академиясын бітіріп (1951), Мәскеуде оқытушылық кызметте болды. 1975 ж. запасқа шықты. Ленин, 3 Қызыл Ту, 1- және 2-дәрежелі Отан соғысы, «Қызыл Жұлдыз», 3-дәрежелі «КСРО Қарулы Күштерінде Отанға қызмет еткені үшін» ордендерімен, медальдармен марапатталған.