Сергей Ильич Морозов

Сергей Ильич Морозов(1919, Ресей, Орынбор облысы,Бузулук қаласы - 23.10.1943, Украина, Запорожье облысы,Мелитополь қаласы) - 2-дүниежүзілік соғысқа қатысушы, ұшқыш, кіші лейтенант,орыс.1930 жылы Алматыға қоныс аударған. Әскерге алынғанға дейін облыстық қаржы бөлімінде нұсқаушы қызметін атқарған. Кеңес әскері қатарына 1939 жылы шақырылған. Тамбов ұшқыштар мектебін бітіргеннен (1942) кейін 4-Украина майданы 8-әуе армиясы 206-штурмдық авиация дивизиясы 807-штурмдық авиация полкі құрамында Ұлы Отан соғысына қатысқан. 70 жауынгерлік ұшу сапарына шыққан Морозов жаудың 15 танкісін, 27 автокөлігін, 38 колю мен жанармайға толы 2 цистернасын, 200-ге жуық әскері мен офицерін жойды. 1943 жылы 23 қазанда Васильевка селосынан Мелитопольге таяу орналасқан Бурчук селосына дейінгі темір жолы бойындағы терең сайға шоғырланған жау танкілері мен автокөліктерін жоюға бұйрық алды. Тапсырманы орындауда ұшағына оқ тиген. Жалынға оранған ұшагын Морозов жау танкілерінің шоғырына бағыттап, ерлікпен қаза тапты. Морозовқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (1.11.1943). Ленин, Қызыл Ту, «Қызыл Жұлдыз» ордендерімен, медальдармен марапатталған.[1]

Дереккөздер өңдеу

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х