Серік Ахметұлы Қалымбаев
Серік Ахметұлы Қалымбаев (14 желтоқсан 1961, Алматы қаласында) – көгалдағы хоккейден спортқа еңб. сің. шебер (1984). 1983 жылы Қазақ мемлекеттік дене тәрбиесі ин-тын (қазіргі Қазақ мемлекеттік спорт және туризм академиясы) және Абай атынд. Алматы мемл. ун-тін (1999) бітірген. Тоғыз жасынан бастап спорттық гимнастика және самбомен, 1975 жылдан көгалдағы хоккеймен айналысты. Алғашқы бапкері И.Рогачев.
Жетістіктері
өңдеуЖасөспірімдер арасындағы КСРО-ның екі дүркін чемпионы (1977, 1978). Алматының “Динамо” командасы құрамында 1979, 1981 – 90 жылы 11 рет КСРО чемпионы болды. 1978 – 79 жылы КСРО-ның жасөспірімдер құрамасы, ал 1980 – 89 жылы ересектер құрамасы сапында өнер көрсетті. 1979 – 83 ж. Қазақстан құрамасы сапында КСРО Халықтары спартакиадасының жеңімпазы атанды. Бес рет КСРО кубогін иемденді. 1980 ж. КСРО чемпионатында күміс жүлде алды. Екі рет Еуропа чемпиондары Кубогін жеңіп алған “Динамо” хоккейшілері құрамында өнер көрсетті (Париж, Франция, 1982; Амстердам, Голландия, 1983).
Командалары
өңдеуКСРО құрамасы сапында халықар. “Достық” турнирінің жеңімпазы (1984). 1993 – 94 ж. Италияның “Кальяри”, 1996 ж. “Кус” (Италия) командалары құрамында өнер көрсетті.
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|