Серік Шәуенұлы Тәукебаев

Серік Шәуенұлы Тәукебаев - 1961 жылы 26 ақпанда Түркістан облысының Түркістан қаласында туған. Қазақ. Әкесі - Тәукебаев Шәуен (1934-2002). Анасы – Маханова Алмагүл (1938-2000). Қазақ химия-технологиялық институтының құрылыс-инженерлік факультетін (1983) құрылыс инженері мамандығы бойынша; Шымкент университетінің заң факультетін (2004) заңгер мамандығы бойынша; Қарағанды экономикалық университетінің экономика факультетін (2005) экономист мамандығы бойынша бітірген. Қазақ және орыс тілдерін біледі. «Нұр Отан» ХДП мүшесі.

• 1978 жылдан - Қазақ химия-технологиялық институтының студенті (Шымкент қаласы).
• 1983 жылдан - «Қазболатконструкция» тресінің №2 Жамбыл облыстық басқармасының шебері.
• 1984 жылдан - «Средазтрансстрой» тресінің инженер-экономисі, құрылыс шебері, прорабы, аға прорабы, бас инженерінің орынбасары, бас инженері, СМП-194 бастығы (ОҚО Түркістан қаласы).
• 1996 жылдан -«Түркістанкөлікқұрылысмонтаж» АҚ бірінші вице-президенті, директоры. 1999 жылдан - Түркістан қаласы әкімінің орынбасары. 2001 жылдан - Түркістан облысының құрылыс, сәулет және аумақтар құрылысы департаментінің бастығы.
• 2002 жылдан - Түркістан облысындағы Жер инспекциясының бастығы.
• 2005 жылдан - Түркістан облысындағы Жер қатынастары басқармасының бастығы.
• 2006 жылдан - ОҚО Арыс қаласының әкімі.
• 2008 жылдың наурызынан қарашасына дейін - ҚР Президенті Әкімшілігінің мемлекеттік инспекторы.
• 2009 жылдың ақпанынан - ҚР Еңбек және халықты әлеуметтік Қорғау министрлігінің Көші-қон комитеті төрағасының орынбасары.
• 2010 жылдың қазанынан бері - Шығыс Қазақстан облысы әкімінің орынбасары. «Қазақстан Конституциясына 10 жыл» (2005), «Астананың 10 жылдығы» (2008) медальдарымен марапатталған.
• 2012 жылдың ақпанынан бері- Өскемен қаласының әкімі

Әскери атағы - запастағы подполковник.

Үйленген. Жұбайы - Қаратаева Несібелі Жапбарбекқызы (1963 жылы туған). Қыздары - Тәукебаева Майра Серікқызы (1988 жылы туған), Тәукебаева Әйгерім Серікқызы (1990 жылы туған), Шәуенова Айсұлу Серікқызы (1992 жылы туған); ұлы – Тәукебай Диас Серікұлы (1995 жылы туған).