Сигналды модуляциялау

Сигналды модуляциялау (лат. modulatio — өзгеру) — сигналды бір жиілік ауқымынан екінші жиілік ауқымына ауыстыру. Бірінші ретті (алғашқы) сигналдың байланыс жолымен таратылу мүмкіндігі аз болғандықтан, оған қоса байланыс жолымен тек бір ғана сигнал емес бірнеше сигналдарды бірден тарату үшін алғашқы (бірінші ретті) сигналдардың жиіліктік ауқымын өзгерту қажет. Ол үшін тасымалдаушы сигнал алынып, оның бір параметрін алғашқы сигналдың өзгеру заңдылыгымен өзгертеді. Тасымалдаушы сигнал гармоникалық немесе импульстік сигналдар болады.

Олардың өзгеретін параметріне байланысты модуляция гармоникалық, импульстік, амплитудалық, жиіліктік, фазалық, импульстің кеңдігі, жиілігі, биіктігі, фазасы арқылы модуляциялау деп бөлінеді.

Модуляциялаудагы алғашқы (бірінші) сигналды модуляциялаушы сигнал деп, ал модуляциялаудан өткен тасымалдаушы сигналды модуляцияланған сигнал деп атайды.