Сильвин

Сильвин (Sylvіus, голландия химигі әрі дәрігері Ф.Боэнің (1614 — 72) латынша аты) — галогенидтер класына жататын минерал.

• Химиялық формуласы: KCl (K — 52,5%, Cl — 47,5%).
• Изоморфты қоспалары KBr, сирек жағдайларда RbCl, CsCl, ал механикалық қоспалары NaCl (галит) мен Fe₂O₃.
• Құрамындағы газ көпіршіктері (N₂, CO₂, CH₄, He, тағы басқа) сильвиннің мөлдір, түссіз кристалдарына сүттей ақ түс береді.
• Кубтық сингонияда кристалданып, октаэдр, куб тәрізді кристалдар түзеді.
• Сингониясы — текшелік
• Агрегаттары тығыз, тұтасқан түйірлі масса түрінде болады.
• Түсі мөлдір, ақ, ашық қызыл, алқызыл, шыныдай жылтыр, жақсы жымдасқан; қаттылығы 2, тығыздығы 1,9 г/см³.
• Суда жақсы ериді, дәмі кермек-ащы.
• Сәуле спектрінің қысқа толқынды және инфрақызыл бөліктерін жақсы өткізеді.
• Сильвин теңіз шығанақтары мен көлдердің тұзға қаныққан суларынан тұнады.
• Қазақстанда Орал, Атырау, Ақтөбе облыстарының тұз күмбездері мен тұзды көлдерінде көп мөлшерде кездеседі. Сильвиннен калий қосылыстары дайындалады.
• Тыңайтқыш ретінде ауыл шаруашығында, химия өнеркәсібінде, медицинада, тағы басқа қолданылады. Сильвиннің мөлдір кристалдары оптикалық аспаптар жасауға пайдаланылады.

Сильвин
Сильвин
Негізі
Санаты	Минерал
Strunz classification	03.AA.20
Ерекшеліктері
Молярлық массасы	74.55 гм
Түсі	ақ, сұр
Сингониясы	кубтық
Моль шкаласы бойынша минерал қаттылығы	2.5
Тығыздығы	1.993 г/cм3
Оптикалық сипаты	Изотропты
Ultraviolet fluorescence	жоқ

Сильвин

Германия сильвині