Смағұл Тәжібаев

Тәжібаев Смағұл (1925, Атырау қаласы – 1980) – еңбек ардагері, кеңес, партия қызметкері. Талғар ауыл шаруашылығының техникумын, Алматы жоғары партия мектебін бітірген. 1943 – 1949 жылдары Кеңес армиясы қатарында, 1950 – 1959 жылдары ауыл шаруашылығының түрлі саласында жұмыста болды. 1959 – 1970 жылдары Гурьев (қазіргі Атырау) қалалық партия комитетінің нұсқаушысы, Индер аудиторлық партия комитетінің хатшысы, 1978 – 1980 жылжары облысы кеңес атқару комитеті төрағасының орынбасары қызметтерін атқарған. 1975 – 1978 жылдары Қазақ КСР Жоғарғы Кеңесінің депутаты болып сайланған. 2 рет Еңбек Қызыл Ту орденімен, бірнеше медальдармен марапатталған.