Солтүстік-Қаламқас мұнай-газ кен орны

Солтүстік Қаламқас мұнай-газ кен орны, (Қаламқас теңіз) — Каспий теңізінің Қазақстандық секторында орналасқан мұнай және газ кен орны. 21 ғасырдың басында жаңа геофизикалық техника және технология көмегімен Қаламқас мұнай-газ кен орнының теңіздегі жалғасы анықталды. Оған «Солтүстік Қаламқас» деген атау берілді.

Геологиялық құрылымы

Кен орнындағы мұнай қабаты 0,5-1,4 шақырым тереңдікте орналасқан, мұнай қабаты негізінен бор, юра және жоғарғы триас қабаттарында анықталған.

Жатыс сипаты

«Солтүстік Қаламқас» кен орнының анықталған геологиялық қоры 500 млн тонна, ал жалпы геологиялық қоры – 1000 млн тоннаны құрайды. Мұнай өндіру басталған кездегі жоба бойынша өндіру көлемі жылына 3-15 млн тоннаны құрайды деп жоспарланған. «Солтүстік Қаламқас» кен орнының операторы қызметін Қазақстанның «ҚазМұнайГаз» ұлттық мұнай компаниясы атқарады.