Соғыс нәтижесі

Соғыс нәтижесі — соғыс барысына қалыптасқан нақты әскери-саяси жағдай, қорытынды.

Соғыстың диалектикалық дамуының сонғы сатысы (дайындық, басы, барысы, нәтижесі) болып табылады және көбінде оның тарихи рөлін аныктайды.

Соғыс нәтижесі бір жактың жеңуі, екінші бір жақтың жеңілуі түрінде, сондай-ақ соғыста өзінің толық мақсатына жетпеген екі жақтын ымыраға келуі түрінде де көрінуі мүмкін. Соғысушы жақтардын күштері мен жағдайларының соңындағы ара қатысы (тендігі) да әр түрлі болады.

Мысалы, Екінші Дүниежүзілік соғыстың нәтижесінде Германия қарулы күштері толық талқындалды және өмір сүруін тоқтатты десе де болады, ал бұл елдің аумағында антигитлерлік коалиция елдерінің армиялары орналасты.

Соғыс нәтижесінің ең маңызды өлшемі армия жағдайы ғана емес, сондай-ақ мемлекеттің тылдық-экономикалық, моральдык, ұйымдастырушылық күштері болып табылады. Осы күштердің талқандалуы соғыстың майдандағы нәтижесін анықтайды. Соғыс нәтижесі заңдылық пен саяси, экономикалық және ең алдымен әскери факторлорга сүйенеді. Соғыс нәтижесі ең алдымен соғысушы жақ әскерлерінің майдандағы жеңісінде немесе жеңілісінде, осы соғысты жүргізуге себепші болған мақсаттардың орындалу дәрежесінде көрінді. Үлкен шығындар жеңіліс ауыртпалыш күшейтуі мүмкін. Соғыс нәтижесі оньң прогрессивті немесе реакциялық рөлін анықтай алады.