Соқпа

Соқпа — дәстүрлі бейіт түрі.

Батыс Қазақстан облыстық аумағында жиі ұшырасады. Ол сабан араластыра езілген сазбалшықпен (қалынд. 15-20 см) моланы сылап, томпайту арқылы жасалады. Мұндай молаларды «нар өркешті соқпа» немесе «құйма» деп те (Ақтөбе облысы) атайды.

Кейде төмпешіктің төбесіне су жиналатын шұңқыр қалдырады. Соқпа, белгілі бір дәрежеде, мұсылман бейіті елеусіз болуы керектігі туралы шариғат талабына сай келеді.