Сыбызғы қурай

Сыбызғы қурай (Аюбалдырған Angelica) - шатырша гүлділер тұқымдасына жататын көп жылдық не екі жылдық өсімдіктер туысы.

Биологиялық сипаттамасы

Сабағы қуысты, іші кеуек, жапырақтары 2 - 3 тілімді, гүл желегі көбіне ақ, жемісі қабысыңқы, шеті қанат тәрізді, қырлы.

Таралуы

Солтүстік жер шарында және Жаңа Зеландияда таралған 50 - ге жуық (кейбір деректерде 80) түрі, бұдан КСРО - да (негізінен Қиыр Шығыста өсетін) 17 түрі болған, оның ішінде Қазақстанда 2 түрі бар.

Қысқа сабақты сыбызғы қурай таралуы

Қысқа сабақты сыбызғы қурай Балқаш - Алакөл атырабында, Жоңғар Алатауы, Батыс Тянь - Шаньда альпілік белдеудегі өзен бойында, екінші бір түрі Алтай, Жоңғар, Іле, Күнгей Алатауларында, Батыс Тянь -Шяньда ылғалды сай, жыраларда, таудың орта белдеуіндегі өзендер бойында өседі.

Қоладнылуы

Орман сыбызғы қурайын мал жейді, сүрлемге салуға болады, жемісі құрамында кумарин болады. Дәрілік сыбызғы қурай медицинада пайдаланылады, балды өсімдік.

Қолданылған әдебиет

Қазақ Совет энциклопедиясы, 1976 жыл, Алматы,10 том, 480 ет