Сырдария жазуы

Сырдария жазуы - көне ескерткіш. Түркістан қ. маңында, Сырдария өзеннің сол жақ жағалауына орналасқан ортағасырлық Артық ата жұртынан табылған сурет-жазулар. Оны 1971 ж. ҚазКСР Ғылым Академиясыныңның ғалымдары Р.Мұсабаев пен Ғ.Айдаров басқарған экспедицияға өлкетанушы А.Алтаев тапсырған. Сырдария жазуы оңнан солға қарай оқылады. Оған авторлар: "брсбуқклт (ет) р — от (v) пч" деген транс-литерация береді. Оның қазақша мағынасы: "Ол кезде Сабуқ өлкенің үйі (әулеті) алты ақсүйек ханзаданың аға ұрпағы болып есептелетін". Ежелгі түркі жазу ескерткіштерін зерттейтін ғалымдар алфавиттің таралу шегін Сырдарияның сол жағына жетті деген болжам айтқан емес. Ғалымдар Сырдария жазуларын б.з.б. 2—1 ғасырларға жатады деп тұжырымдайды.[1]

ДереккөздерӨңдеу

  1. Отырар. Энциклопедия. – Алматы. «Арыс» баспасы, 2005 ISBN 9965-17-272-2