Сыртқы сауда мәмілесі
Cыртқы сауда мәмілесі – тауарлардың‚ көрсетілетін қызметтердің экспортымен және импортымен‚ шығармашылық қызмет нәтижелерімен немесе оларды пайдалану құқығымен байланысты мәміле‚ мұнда шетелдік жеке немесе заңды тұлға қатысушылардың бірі болып табылады. Сатып алу-сату шарты мұндай мәміленің негізгі құжаты болып табылады және оның нысаны мен қол қою тәртібі тиісті заңдармен айқындалады. Cыртқы сауда мәмілесі жазбаша нысанда жасалады және оған өкілетті адамдар қол қояды. Оның нысаны мен қол қою тәртібі бұзылса‚ жарамсыз деп танылады. Бұл аукциондар мен биржаларда‚ шетелдік сақтандыру оперцияларында жасалған мәмілелерге қолданылмайды. Кәсіпорындар (ұйымдар‚ бірлестіктер‚ фирмалар) лицензиялануға тиіс тауарлармен байланысты сыртқы экономикалық қызметтің барлық түрлерін (тікелей өндірістік‚ ғылыми-техникалық байланыстар‚ жағалау маңындағы және шекара өңіріндегі сауда) орындау кезінде мәмілеге қол қойып‚ тауардың кімге тиесілі екені туралы сертификат (құжат) табыс еткен жағдайда бұған уәкілетті органдардан лицензия алғаннан кейін ғана экспортшы (делдал) өнімді шет елге жөнелтеді. [1]
Сілтемелер
өңдеуДереккөздер
өңдеу- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |