Сыр сұлуы

"Сыр сұлуы" - Қызылорда облыстық халық шығармашылығы мен мәдени-ағарту жұмыстарының ғылыми-әдістемелік ортатығының ән-би ансамблі. 1950 ж. Қызылорда облыстық Халық шығармашылығы үйі жанынан ұйымдастырылды, ал 1968 ж. халық ансамблі атағына ие болды.

Ансамбльдің қалыптасып өсу жолында балетмейстер Д.Әбіров пен Қазақстанның еңбек сіңірген мәдениет қызметкері М. Қатауов, сонымен қатар А.Манасбаев пен А.А. Данильченко елеулі еңбек сіңірді.

Ансамбль ұжымы кезінде Мәскеу к-ндағы КСРО ХШЖКнде (1968), Кишинев қаласында (1971, Еңбекшілер көркемөнерпаздық шығармашылығының 2-Бүкілодақтық фестивалінің Құрмет дипломымен марапатталды), Жамбыл (1974), Қарағанды (1976), Алматы (1977), Қарақалпақстанда (1978) болып өнер көрсетті. 1981 ж. Республиқалық телевизиясы мен "Қазақфильм" киностудиясы ансамбльді арнайы түсіріп алды. 1983 ж. "Халық-талант қайнары" атты телевизиялық хабарға қатысты. Ансамбль ұжымы жаңартылған бағдарлама бойынша жүйелі түрде облыс еңбекшілерінің алдында өнер көрсетіп отырды.

Еңбекшілер көркемөнерпаздық шығармашылығының 1 - Бүкілодақтық фестивалінің лауреаты (1976). КСРО ХШЖК медалымен (1967) марапатталған.