Сюрвейер
Сюрвейер (ағылшынның surveyor) – сақтандыруға қабылданатын мүлікті және сақтандыру басталғаннан кейін сақтандырылған мүлікті тексеретін сарапшы. Сюрвейер көбінесе теңіз сақтандыруында және жүктерді сақтандыруда әрекет етеді.[1] Олар сақтандырушылармен, кеме иелерімен, жүк иелерімен, кеме жалдаушылармен және басқа мүдделі тұлғалармен шарт жасасу негізінде өзара іс-қимылда болады. Сюрвейер қорытындысы негізінде сақтандырушы белгілі бір нысанды сақтандыру мүмкіндігі туралы, сақтандыру шарты бойынша тарифтік мөлшерлеменің шамасы туралы шешім қабылдайды. Сюрвейер атқарымына сақтандыру уақиғасы басталғанда мүліктің зақымдану дәрежесін айқындау, апаттық сертификаттар толтыру міндеті де кіруі мүмкін. [2]
Сілтемелер
өңдеуДереккөздер
өңдеу- ↑ Банк терминдері мен ұғымдарының қазақша-орысша сөздігі. / Ғ. Сейіткасымов, Б. Бейсенғалиев, Ж. Бекболатұлы — Алматы: Экономика, 2006. ISBN 9965-783-20-9
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том
| Бұл мақаланы Уикипедия сапа талаптарына лайықты болуы үшін уикилендіру қажет. |