Сақтандыру уақиғасы

Сақтандыру уақиғасы, Сақтандыру жағдайы – сақтандыру шартында немесе заңда қарастырылған оқиғаның болуы. Бұл оқиға болған кезде сақтандырушы сақтанушыға немесе өзге үшінші тұлғаға сақтандыру өтемін төлеуге міндетті. Сақтандыру уақиғасы – болжалды, ықтимал оқиғаны сипаттайтын сақтандыру тәуекелінен өзгеше түрде, болған оқиға. Мүліктік сақтандыру түрлері бойынша міндеттемелерді сақтандыру талаптарында көзделген мән-жайлардың (дүлей апаттардың, өрттің, ұрлықтың, т.б.) салдарынан материалдық құндылықтардың кез келген зақымдалуы, құнсыздануы немесе жоғалуы Сақтандыру уақиғасы деп есептеледі. Кейде мүліктің зақымдануы (құнсыздануы) зиянның белгілібір деңгейден асып түсуі кезінде ғана Сақтандыру уақиғасы деп есептеледі (мысалы, ауыл шаруашылық дақылдарын сақтандыруда). Жеке басты сақтандыруда оның түрлеріне қарай Сақтандыру уақиғасы сақтандырылушының шартта уағдаласылған мерзімге жетуі, науқастануы, қайтыс болуы, жарақаттаған, денсаулығынан айырған жазатайым уақиға, т.б. Сақтандыру уақиғасы деп есептеледі. Жауапкершілікті сақтандыруда Сақтандыру уақиғасы – сақтанушының өз кінәсынан біреуге зиян келтіруі, бұл зиянды ол заңнамаға сәйкес өтеуге тиіс, мұндай кінәларға, мысалы, автомашинаның жаяу жүргіншіні басып кетуі, қайсыбір нысанға соғуы, адамды еңбек ету қабілетінен айырған дұрыс жасалмаған хирургиялық операция, үйді жобалауда немесе салуда жіберілген қателіктердің салдарынан оның қирауы, т.б. жатады.

Сілтемелер

• Сақтандырылған тұлға
• Сақтандыру саласы
• Сақтандыру жауапкершілігі