Сүйінбай даңғылы (Алматы)

Сүйінбай Аронұлы.jpg

Сүйінбай даңғылы. Даңғылға қазақтың аузымен құс тістеген шешені, әйгілі суырып салма ақыны, Жамбылдың пір тұтқан ұстазы Сүйінбай Аронұлының есімі (Алматы қаласы әкімінің 09.10.1990 №17/420 шешімі) берілген. Сүйінбай Аронұлы (1815-1898) Алматы облысы, Жамбыл ауданындағы Қара Қастек (қазіргі Сүйінбай) ауылында дүниеге келген. Көптеген айтыстарға қатынасып, ол бүкіл қазаққа танымал ақынға айналды. Ол - «Өтеген батыр», «Дотан», «Қарасай», «Сұраншы батыр» сияқты дастандардың авторы. Даңғыл қаланың Жетісу, Түрксіб аудандарында орналасқан. Райымбек даңғылынан басталып, Боралдай жолына жалғасады. Бұрынғы атаулары: а) Қапан Трактісі; ә) Красногвардейск Трактісі. Көшенін ұзындығы - 15600 метр.[1]

ДереккөздерӨңдеу

  1. Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0