Сүлейменов Хәкім атындағы көше (Алматы)

Сүлейменов Хәкім атындағы көше. Көшеге белгілі қоғам қайраткері, Верный, Қоқан, Ферғана қалаларында Кеңес өкіметін орнатуға үлес қосқан әрі Жетісу және Самарқан-Бұқара майдандарындағы шайқасқа қатысқан, сталиндік репрессияның құрбаны Сүлейменов Хәкімнің есімі (Алматы қаласы мәслихатының 24.12.2003 № 26 шешімі мен Алматы қаласы әкімшілігінің 26.12.2003 № 5/764 қаулысы) берілген. Ол Алматы облыстық атқарушы комитеті төрағасының бірінші орынбасары болған. Көше Әуезов ауданының «Таугүл-3» шағынауданында орналасқан. Көшенің ұзындығы - 250 метр.