Сүңгу жабдығы

Сүңгу жабдығы – адамның су астында жұмыс істеуіне мүмкіндік беретін әр түрлі құрылғылар жиынтығы. Ол тыныс алуға қажет газ қоспасын беру тәсіліне қарай автономды және автономды емес сүңгу жабдығы, сүңгушінің тыныс алу тәсілі бойынша желдеткішті, ашық, жартылай тұйық және тұйық сүңгу жабдығы; газ қоспасының құрамына сәйкес ауалы, оттекті, азот-оттекті, гелий-оттекті сүңгу жабдығы болып ажыратылады. Сүңгу жабдығының құрамында сүңгушіні сыртқы ортадан оқшаулап, газ бен су өтпейтін қабат жасайтын су асты скафандры болады. Шланг арқылы берілетін сығылған ауамен тыныс ала отырып, сүңгуші су астына 60 м-лік тереңдікке дейін бата алады. 100 м тереңдікке дейін ауалы-оттекті сүңгу жабдығын, 300 м-ден астам тереңдікке бату үшін гелийлі-оттекті сүңгу жабдығын пайдаланылады.

Дереккөздер өңдеу

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том

Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.