Сұңқар (арнайы бөлімше)
Сұңқар — ҚР ІІМ арнайы мақсаттағы бөлімшесі. 1998 жылы 11 мамырда құрылған. Тікелей Қазақстанның ішкі істер министріне бағынады.
| Қазақстан Республикасы Ішкі істер Министрлігінің «Сұнқар» арнайы мақсаттағы жасағы | |
| Жалпы ақпарат | |
|---|---|
| Күндер | |
| Елі | |
| Бағынышты | |
| Түрі |
арнайы мақсаттағы құрылымдар |
| Көлемі |
139 (шектемесі) |
| Штаб-пәтері |
Астана қ. |
| Қақтығыс |Қақтығыс | |
| Басшылығы | |
| Әйгілі басшысы |
полковник Александр Юрьев |
Тарихы
өңдеу«Сұңқар» бөлімшесі 1998 жылы құрылды.
2011 жылдың 4 сәуірінде арнайы жасақ Алматының үшінші шағын ауданындағы №12 үйдегі пәтерді паналаған үш қылмыскерді – Қадыр Қадыровты, Рузымбай Ишімбетовты және Абдулмансұр Ниязовты ұстауға қатысты. Ишимбетов пен Ниязов ұсталған кезде жеңдеріне жасырған гранаталарды жарып, өздерін жарып жіберіп, біраз жауынгерді жаралаған. 11 «Сұңқар» қызметкері жараланды (оның ішінде алтауы ауыр, кейбірі өмір бойы мүгедек болып қалды)[1].
2011 жылдың 9 шілдесінде «Сұңқар» сарбаздары 1 шілдеде Ақтөбе облысының Шұбарши ауылындағы полиция тірек орынжайына шабуыл жасап, облыстық ІІД «Арлан» арнайы жасағының жауынгері Руслан Жолдыбаевты атып өлтірген лаңкестерді ұстау операциясына қатысты. Көршілес Кеңқияқ ауылында өткен операцияның барысында бір «Сұңқар» жауынгері қаза тапты[2][3].
2016 жылдың 1-5 тамыз аралығында ҚР ҰҚК Арыстан қызметінің «Южный» арнайы мақсаттағы тактикалық полигонының базасында «Мерген-2016» арнайы бөлімшелерінің мергендік жұптарының халықаралық жарысы өтіп, оған «Сұңқардан» екі топ қатысты.
2024 жылдың 3-7 ақпан аралығында Дубайда (БАӘ) өткен UAE SWAT Challenge-2024 арнайы күштерінің халықаралық жарысына қатысқан 48 елдің 73 командасы арасында «Сұңқар» арнайы жасақ тобы жалпы есепте 3-орынға ие болды[4].
Мақсаты
өңдеуБөлімшенің негізгі жауынгерлік міндеттері:
- Қалалық жерлерде және автомобиль жолында ілесіп жүру жағдайында ерекше қауіпті қарулы қылмыскерлерді, террористік және бандиттік құралымдарды ұстау және жою.
- Кепілге алынған адамдарды босату және ел үшін стратегиялық маңызы бар нысандарға арнайы операциялар жүргізу.
2003 жылы Қазақстан Республикасы ІІМ алқасында күнделікті жұмысқа арналған «Арлан» бөлімшесінен бөлек «Сұңқарды» жеке құрамның едәуір шығыны мен құрбан болуына әкеп соқтыратын ең күрделі және тәуекелді міндеттерге пайдалану туралы шешім қабылданды.
Ұйымдық құрылым
өңдеуШтаб-пәтері Астанада орналасқан, бүкіл Қазақстан бойынша 5 аймақтық кеңселер бар. Жаттығу жүйесі көп жағдайда РФ ІІМ «Витязь» ішкі әскерлерінің күрең береттер алуға емтихандарға дейінгі ресейлік арнайы бөлімдеріне ұқсас. Құрылымдық тұрғыдан алғанда, бөлімше жалпы саны 100 адамнан сәл асатын арнайы мақсаттағы ротаны қамтиды. 2004 жылы бөлімшені полковник А.Юрьев басқарды.
Тағы қараңыз
өңдеу- «Арыстан» — Қазақстан Ұлттық қауіпсіздік комитетінің арнайы мақсаттағы бөлімшесі
- «Бүркіт» — Ұлттық ұланның арнайы мақсаттағы жасағы
- «Көкжал» — Республикалық ұланның арнайы мақсаттағы бөлімше
Сілтеме
өңдеу- Арнайы мақсаттағы жасақтар сайты Мұрағатталған 17 мамырдың 2021 жылы.
- Орта Азия сайты
- Қазақстан әскери сайты
Дереккөздер
өңдеу- ↑ Алматыда тұтқындау операциясы кезінде «Сұңқар» жасағының 11 жауынгерін жаралаған ҰҚТ мүшелеріне қатысты үкім жыл соңына дейін шығарылады. Караван медиапорталы (23 қараша 2011). Тексерілді, 21 қазан 2024.
- ↑ Шұбарши мен Кеңқияқ. Оқиғадан соң…. Ақтөбе газеті (14 шілде 2011). Тексерілді, 21 қазан 2024.
- ↑ Кеңқияқта полицейлер мен «сақалдылар» атысып жатыр. Асқардың түрткендері. Айтпаса сөздің атасы өледі (30 шілде 2011). Тексерілді, 21 қазан 2024.
- ↑ Дубайда арнайы жасақ ойындары өтіп жатыр. «Sarbaz» — әскери портал (5 ақпан 2024). Тексерілді, 21 қазан 2024.