Басты мәзірді ашу

Сәбихан Шынарбекұлы Байжанов

Сәбихан Шынарбекұлы Байжанов(11.11.1950 жылы туған, қазіргі Шығыс Қазақстан облысы Үржар ауданы Елтай ауылы) – медицина ғылымның докторы (1995), профессор (1996). Алматы мемлекеттік медицина институтын (1973, қазіргі Қазақ ұлттық медицина университеті) бітірген соң еңбек жолын бұрынғы Жезқазған облысы ауруханасында дәрігер-хирург (1973–1977) болып бастаған. Бұдан кейін Қазақ КСР-і Денсаулық сақтау министрилігінің 4-бас басқармасы қарамағындағы Орталық ауруханада дәрігер-эндоскопист, бөлім меңгерушісі (1977–1981), КСРО Медицина ғылым академиясының Бүкілодақтық онкология ғыл. ортағында ординатор, аспирант (1981–1985), Алматы мемлекеттік медицина институтында ассистент (1985–1989), Қазақстан Республикасының Президенті Іс басқармасының Медицина орталығының Орталық клиникалық ауруханасында бөлім меңгерушісі (1989) болды. 1996 жылдан Алматы дәрігерлер білімін жетілдіру институтының профессор қызметін атқарады. «Билиарная литотрипсия и оперативная эндоскопия в лечении желчнокаменной болезни» деген тақырыпта докторлық диссертация қорғады. Байжанов 72 ғылыми еңбектің, оның ішінде 2 монографияның авторы. [1]

ДереккөздерӨңдеу

  1. Қазақ энциклопедиясы