Сәтімжан Қамзеұлы Санбаев

Сәтімжан Қамзеұлы Санбаев (1939 жыл 16 қыркүйек Атырау облысы Мақат - 2 шілде 2013 жыл Алматы) — жазушы, киноактер. 1974 жылдан бастап КПСС мүшесі.

Сәтімжан Қамзеұлы Санбаев
Туған күні	16 қыркүйек 1939 (1939-09-16)
Туған жері	Мақат, Атырау облысы, Қазақ КСР
Қайтыс болған күні	2 шілде 2013 (2013-07-02) (73 жас)
Қайтыс болған жері	Алматы, Қазақстан
Азаматтығы	Қазақстан  КСРО (1939-1991)
Ұлты	қазақ
Қызметі	актер, жазушы

Өмірі

Мұғалім семьясында туған.

Орынбор ауыл шаруашылығы иснтитутын (1961), КСРО Жазушылар одағы жанындағы Жоғары әдебиет курсын бітірген.

Гурьев облысында, Энгельс атындағы колхозда (1962-1966), «Қазақфильм» киностудиясында (1966-1968), жазушы баспассында (1968-1972), Қазақстан жазушылар одағында (1972-1975) жұмыс істеді.

1975 жылдан Павлодар трактор зауытында инженер-конструктор, Балқаш кен-металлургия комбинатында инженер «Жазушы» баспасында редакция меңгерушісі, Азия-Африка елдері жазушыларымен байланыс жөніндегі Қазақ комитетінің жауапты хатшысы,Қазақстан Жазушылар одағында әдеби кеңесші,«Невада-Семей» қозғалысының вице-президенті, Ш.Айманов атындағы ұлттық кинокомпаниясында бас редактор қызметтерін атқарған.

Шығармашылығы

Шығармаларын орыс тілінде жазады.

• «И вечный бой» повесть Простор журналы, 1968 ж.
• Белая аруана. Повести. А.,»Жазушы», 1969.
• Дорога только одна. Роман. А.,»Жазушы», 1970
• Дорога только одна. Повести и роман. М.,»Молодая гвардия», 1974
• Аруана. Повестер мен роман. А., »Жазушы», 1975;
• Колодцы знойных долин. Повести и роман. М., «Известия», 1976;
• Времена года нашей жизни. Роман-трилогия. А.,»Жалын», 1981.
• Когда жаждут мифа. А., 1989;
• Белая аруана. А., 2005;
• Медный колос. Роман-дилогия. А., 2006.

Шығармалары қазақ тіліне, сондай-ақ КСРО халықтарының көптеген тілдеріне, шетел тілдеріне аударылған.

• «Флакон одеколона» атты драмасы М.Әуезов атындағы академиялық қазақ драма театрында қойылып жүр.

Абайдың қарасөздері, М.Әуезовтың, С.Бегалиннің, Ә.Сәрсенбаевтың, Қ.Ысқақтың т.б. қазақ жазушыларының шығармаларын орыс тіліне аударған.

Ойнаған рөлдері

Шығармашылығымен бірге кино саласында да еңбек етіп келеді.

• «Мың шақырымдық жол» (1968)
• «Ғажайып күн» (1972)
• «Ұшы-қиырсыз жол»
• «Той боларда»
• «Шоқан Уәлиханов (фильм)»
• «Батыр баян» көркем фильмдерінде басты рольдерде ойнаған.
• «Қыз Жібек»
• «Ыстықкөл қызғалдақтары» кино фильмдерді қазақшалаған.
• «Там, где торы белые»
• «Дом у соленого озера» кинофильмдерінің авторы.

Еңбектері

«Ақ бас таулар» атты көркем фильмінің сценарийін жазды. Санбаевтың бірқатар туындылары ағылшын, француз, неміс т.б тілдерінде жарық көрді.

Марапаттары

КСРО Жазушылар одағы, ВЦСПС-тің жүмысшылар тақырыбына арналған шығармалар конкурсының лауреаты (1981).

«Еңбектегі ерлігі үшін» медалімен марапатталған.