Сәуірбай Сарыұлы Есімов

Сәуірбай Сарыұлы Есімов (1940, Атырау облысы Теңіз ауданы Алға ауылы – 2007, Ақтау қаласы) – журналист, Қазақстан Журналистер одағының мүшесі (1966). ҚазМУ-дың (қазіргі ҚазҰУ) журналистика факультетін (1967), Мәскеудегі қоғамдық ғылымдар академиясын бітірген (1979). 1967 – 75 жылы Атырау облысы радио-теледидар басқармасында тілші, редактор, бас редактор, 1975 – 88 жылы Маңғыстау облысы «Коммунистік жол» газетінде аудармашы, бөлім меңгерушісі, бас редактордың орынбасары қызметтерін атқарған. 1989 жылдан Ақтау қалалық «Коммунистік жол», «Маңғыстау» газеттерінің бас редакторы. 1994 жылдан тіл жөніндегі облысы басқарманың орынбасары, Маңғыстау технология көлік басқармасында кеңесші-аудармашы. Ұлы Отан соғысында аты аңызға айналған батыр Исатай Сүйеубаев туралы деректі очерктің авторы. Қазақ КСР Жоғарғы Кеңесінің Құрмет грамотасымен марапатталған (1987).[1][2][3]

Дереккөздер өңдеу

  1. «Маңғыстау» энциклопедиясына, Компьютерлік-баспа орталығы, 2007
  2. «Қазақ Совет энциклопедиясы» (12 томдық), Алматы, 1972 – 1978;
  3. Маңғыстау энциклопедиясы, Алматы, 1997;