Сөнбес жұлдыздар

«Сөнбес жұлдыздар» - 1989 ж. «Қазақстан» баспасынан «Достық дастан»топтамасымен жарық керген ғылыми-танымдық мақалалар жинағы.

Құрастырған Б. Ысқақов. Кітапқа филология ғылыми докторы М. Мырзахметовтың шығыстың жарық жұлдыздары атанған Әл-Фараби, әл-Бируни, әл-Хорезми, Ибн Сина, Наршаһи т. б. жайлы зерттеулері енгізілген.

«Әл-Фараби мен Абай сабақтастығында» деген мақалада екі ойшылдың дүниетанымындағы өзектестік, Абайдың адамгершілік, гуманистік ойларының бастау алар кездері талданады. Абайда жиі сез болатын «езін танымақтық», «жан қуаты», «толық адам», «инсаниаттың кәмаләттығы», «адам болу» т. б. ұғымдардың әл-Фарабимен сабақтастығы айтылады. Әбу Бәкір ән-НаршаҺи жайлы зерттеуде Наршаһидің «Бұхара тарихы» шығармасы мен Абайдың «Бірер сез қазақтың түбі қайдан шыққаны туралы» еңбегі арасындағы сабақтастықтың тарихи тамыры ашып көрсетілген. Абай ислам дінінің таралуы, оның жергілікті халықтардың ғасырлар бойы қалыптасқан дәстүрі мен әдет-ғұрпына, салт-санасына тигізген әсері жайлы сыншылдық тұрғыдан пікір айтқанда Наршаһидің кітабына сүйенгені тұжырымдалған. Жүсіп Баласағұни туралы мақалада Абай мұрасы мен Жүсіп Баласағұнидың «Қутадғу білік» дастанына талдау жасалады. Көлемі 9,95 б. т., 7,5 мың дана болып басылған.